All about good things

Wednesday, May 25, 2016

എസ് എസ് എഫ് യൂണിറ്റു സമ്മേളനങ്ങൾ നാടുകീഴടക്കുന്നു...

*_ന്യൂ ജനറേഷൻ_* *തിരുത്തെഴുതുന്നു*
---------------------------------------------
എസ് എസ് എഫ് യൂണിറ്റു സമ്മേളനങ്ങൾ നാടുകീഴടക്കുന്നു...
.............................................
ഇരുളടഞ്ഞ ഇടവഴികളിൽനിന്നും അധർമ്മങ്ങൾ പുറത്തിറങ്ങിയിരിക്കുന്നു...
ഒഴുക്കിനെതിരെ തുഴയെറിയാനും അധർമ്മങ്ങളെ തിരുത്താനും തമസ്സുപടർന്ന ഇടനാഴികളിൽ വെളിച്ചം വിതക്കാനും ഒരുക്കമാണോ നിങ്ങൾ? എങ്കിൽ ഈ സാർത്ഥവാഹക സംഘത്തോടു കൂട്ടുകൂടാം... ഈ ഹരിശ്വേത നീല പതാക നെഞ്ചോടു ചേർത്തു പിടിക്കാം...
നാൽക്കവലകളിൽ നന്മ ജനിക്കുന്ന നാൽകൂട്ട കൂട്ടായ്മകളെ നിർമ്മിക്കുകയാണീ ധർമ്മ സംഘം.... കാമ്പസുകൾക്കകത്തും ധർമ്മം നട്ടു പിടിപ്പിക്കുകയാണീ അക്ഷരത്രയം. മെയ്മറന്ന് അധ്വാനിച്ചാൽ നന്മ മുളക്കാത്ത മണ്ണില്ലെന്ന് ഇന്നലെകളെ ചൂണ്ടി ബോദ്ധ്യപ്പെടുത്തുകയാണീ ധാർമ്മിക വിപ്ലവ പോരാളികൾ....

എസ്എസ്എഫ് സിന്ദാബാദ്...
-------------------------------------------
ന്യൂ ജനറേഷൻ തിരുത്തെഴുതുന്നു..
*SSF*
ബായാർ മുളിഗദ്ദ യുണിറ്റ് സമ്മേളനം
വിദ്യാപുരം, മുളിഗദ്ദ
താജുൽ ഉലമ നഗർ
2016 മെയ് 26

Wednesday, January 13, 2016

Ways to make money online and offline

Hii Friends,
No a days people are busy with searching online money making websites. but there are many ways to make money from online by spending 10 miutes daily.

just follow my blogs.. you will get what you want...

Tuesday, October 13, 2015

സുഫ്ഫ ചങ്ങാതിക്കൂട്ടം: പ്രീസിറ്റിംഗ് 16ന്

കുമ്പള: എസ് എസ് എഫ് കാസറഗോഡ് ഡിവിഷന്‍ ട്രെയിനിംഗ് സമിതിക്ക് കീഴില്‍ പ്രവര്‍ത്തകരുടെ ബൗദ്ധിക ആത്മീയ വളര്‍ച്ചക്കും പ്രോത്സാഹനത്തിനും വേണ്ടി സംഘടിപ്പിക്കുന്ന സുഫ്ഫ 'ചങ്ങാതിക്കൂട്ടം' തീവ്ര പരിശീലന പഠന ക്യാമ്പില്‍ സംബന്ധിക്കേണ്ടവര്‍ക്കുള്ള പ്രീംസിറ്റിംഗ് ഈ മാസം 16 വെള്ളിയാഴ്ച വൈകുന്നേരം 4ന് കാസറഗോഡ് സുന്നീ സെന്ററില്‍ നടക്കും. 9 സെക്ടറില്‍ നിന്നുള്ള തെരഞ്ഞെടുക്കപ്പെട്ട പ്രതിനിധികള്‍ സംബന്ധിക്കും. ഡിവിഷന്‍ നിരീക്ഷകന്‍ അബ്ദുല്‍ ജബ്ബാര്‍ സഖാഫി പാത്തൂര്‍ നേതൃത്വം നല്‍കും.

യോഗത്തില്‍ ഡിവിഷന്‍ പ്രസിഡന്റ് സയ്യിദ് മുനീറുല്‍ അഹ്ദല്‍ അദ്ധ്യക്ഷത വഹിച്ചു. ഹാഫിള് ഇല്‍യാസ് സഖാഫി പാടലടുക്ക ഉദ്ഘാടനം ചെയ്തു. മുഹ്യദ്ധീന്‍ സഖാഫി കൊടിയമ്മ, ശംസീര്‍ സൈനി ത്വാഹാനഗര്‍, സാബിത് മുഗു, തസ്ലീം കുന്നില്‍ സംബന്ധിച്ചു. സിറാജ് കോട്ടക്കുന്ന് സ്വാഗതവും സുബൈര്‍ ബാഡൂര്‍ നന്ദിയും പറഞ്ഞു.

Monday, October 12, 2015

എസ് എസ് എഫ് കാസറഗോഡ് ഡിവിഷന്‍ ഹൈപോയിന്റ് 17,18 തീയ്യതികളില്‍ മുഹിമ്മാത്തിൽ

കാസറഗോഡ്: വിദ്യാഭ്യാസ രംഗത്തെ പിന്നോക്കാവസ്ഥ പരിഹരിക്കുന്നതിനും വൈജ്ഞാനിക രംഗത്ത് വിദ്യാര്‍ത്ഥികളുടെ ഇടം ബോധ്യപ്പെടുത്തുന്നതിനും വേണ്ടി എസ് എസ് എഫ് സംസ്ഥാന വ്യാപകമായി ഡിവിഷന്‍ കേന്ദ്രങ്ങളില്‍ ഹയര്‍ സെക്കണ്ടറി വിദ്യാര്‍ത്ഥികള്‍ക്ക് നടത്തപ്പെടുന്ന ഹൈപോയിന്റ് കാസറഗോഡ് ഡിവിഷന്‍ ക്യാമ്പ് ഈ മാസം 17,18 ശനി,ഞായര്‍ ദിവസങ്ങളില്‍ മുഹിമ്മാത്ത് താജുല്‍ ഉലമ മെമ്മോറിയല്‍ ഓഡിറ്റോറിയത്തില്‍ നടക്കും.

വിദ്യാഭ്യാസ മുന്നേറ്റത്തിന് ഏറെ പ്രചോദനമാകുന്ന ക്യാമ്പിലേക്കുള്ള ഡാറ്റാകലക്ഷന്‍ ഇന്ന് വൈകുന്നേരം (12-10-15) പൂര്‍ത്തിയാകും. ക്യാമ്പ് എസ് വൈ എസ് കാസറഗോഡ് ജില്ലാ കാര്യദര്‍ശി സുലൈമാന്‍ കരിവെള്ളൂര്‍ ഉദ്ഘാടനം ചെയ്യും.

എജുക്കേഷനല്‍ മോട്ടിവേഷന്‍, പാനല്‍ ഡിസ്‌കഷന്‍, എജുക്കേഷനല്‍ സര്‍വ്വേ, ദര്‍സ്, പഠിച്ചു മുന്നേറാം, ചരിത്ര പാഠം, ക്യാമ്പസുകളില്‍ നമുക്ക് ചെയ്യാനുള്ളത് എന്നീ വ്യത്യസ്ഥ സെഷനുകള്‍ക്ക് എസ് എസ് എഫ് മുന്‍ സംസ്ഥാന ഉപാദ്ധ്യക്ഷന്‍ മൂസ സഖാഫി കളത്തൂര്‍, സംസ്ഥാന വിസ്ഡം കണ്‍വീനര്‍ സി. എന്‍ ജഅ്ഫര്‍, ജില്ലാ എച്ച് എസ് എസ് കണ്‍വീനര്‍ അബ്ദുസ്സലാം സഖാഫി പാടലടുക്ക, സയ്യിദ് മുനീറുല്‍ അഹ്ദല്‍, സയ്യിദ് ഹാമിദ് അന്‍വര്‍ സഖാഫി, ഹാഫിള് ഇല്‍യാസ് സഖാഫി പാടലടുക്ക, മുഹ്‌യിദ്ദീന്‍ സഖാഫി കൊടിയമ്മ, തസ്ലീം കുന്നില്‍ നേതൃത്വം നല്‍കും. സാബിത്ത് കര, ശംസീര്‍ സൈനി ത്വാഹാ നഗര്‍, സിറാജ് കോട്ടക്കുന്ന്, സുബൈര്‍ ബാഡൂര്‍ സംബന്ധിക്കും

എസ് എസ് എഫ് കാസറഗോഡ് ഡിവിഷന്‍ ഹൈപോയിന്റ് 17,18 തീയ്യതികളില്‍ മുഹിമ്മാത്തിൽ

Saturday, May 2, 2015

കുമ്പള പഞ്ചായത്തിലെ 10-ാം വാര്‍ഡിനോട് അവഗണന; നാട്ടുകാര്‍ പ്രതിഷേധത്തില്‍

കുമ്പള പഞ്ചായത്തിലെ 10-ാം വാര്‍ഡായ മുളിയടുക്കം പ്രദേശത്തെ അധികൃതര്‍ തിരിഞ്ഞുനോക്കുന്നില്ലെന്ന് പരാതി. ബസും, മറ്റ് ഒട്ടനവധി വാഹനങ്ങും കടന്നുപോകുന്ന പ്രധാന റോഡായ നായിക്കാപ്പ് കോട്ടക്കാര്‍ റോഡില്‍ മുളിയടുക്കത്ത് റോഡ് പൊട്ടിപ്പൊളിഞ്ഞ് ഉപയോഗ ശൂന്യമായിട്ട് വര്‍ഷങ്ങള്‍ കഴിഞ്ഞിട്ടും ഇതുവരെ റീടാറിംഗ് ചെയ്തിട്ടില്ലെന്നാണ് നാട്ടുകാരില്‍ ചിലര്‍ പറയുന്നത്.

പുതുതായി സ്ട്രീറ്റ് ലൈറ്റോ, റോഡുമായി ബന്ധപ്പെട്ട മറ്റു വികസന സംരംഭങ്ങളോ ഒന്നുംതന്നെ ഏതാനും വര്‍ഷമായി ഈ വാര്‍ഡില്‍ നടത്തിയിട്ടില്ല. ഈ പ്രദേശത്തെ ചെറുറോഡുകളില്‍ ഒന്നോ രണ്ടോ മാത്രമാണ് മുമ്പ് ടാര്‍ ചെയ്തിട്ടുള്ളതെന്നും നാട്ടുകാര്‍ കുറ്റപ്പെടുത്തുന്നു. ഇപ്പോള്‍ അതും പൊട്ടിപ്പൊളിഞ്ഞിരിക്കുകയാണ്.

മുളിയടുക്കം പള്ളിയുടെ പരിസരത്തുള്ള റോഡില്‍ ടാറിളകി പൊടികള്‍ നിറഞ്ഞ് പരിസരവാസികള്‍ക്ക് ദുരിതമായി തീര്‍ന്നിരിക്കുകയാണ്. പട്ടികളുടെയും പന്നികളുടെ ശല്ല്യമുള്ളതിനാല്‍ തെരുവ് വിളക്കില്ലാതെ രാത്രി സമയങ്ങളില്‍ മദ്രസാ വിദ്യാര്‍ത്ഥികളടക്കമുള്ളവര്‍ പുറത്തിറങ്ങാനും ഭയപ്പെടുന്ന അവസ്ഥയാണ്. അധികൃതരുടെ ഈ നടപടിയില്‍ നാട്ടുകാര്‍ രാഷ്ട്രീയ ഭേദമന്യേ ഒന്നടങ്കം പ്രതിഷേധത്തിലാണ്. വാര്‍ഡിനോടുളള അവഗണന അവസാനിപ്പിച്ച് പരിഹാരം കാണണമെന്നാണ് നാട്ടുകാരുടെ ആവശ്യം.

അതേസമയം റോഡ് പി.ഡബ്ല്യു.ഡി ഏറ്റെടുത്തതായും 25 ലക്ഷം രൂപയുടെ ടെന്‍ഡര്‍ കഴിഞ്ഞതായും വാര്‍ഡ് മെമ്പര്‍ അശ്വിനി കാസര്‍കോട് വാര്‍ത്തയോട് പറഞ്ഞു. കഴിഞ്ഞ വര്‍ഷം ഈ ഭാഗത്തെ കുന്നുകള്‍ നിരപ്പാക്കിയത് മൂലമാണ് റോഡ് പൊട്ടിപ്പൊളിഞ്ഞത്. ഇറക്കത്തിലുള്ള ഭാഗം പഞ്ചായത്തിന്റെ ഫണ്ട് ഉപയോഗിച്ച് കോണ്‍ക്രീറ്റ് ചെയ്യാനാണ് തീരുമാനം. മഴ അടുത്തതിനാല്‍ ഇത്തവണ സോളിംങ് നടത്തുകയും മഴ കഴിഞ്ഞാലുടന്‍ ടാറിംഗ് ചെയ്യുമെന്നും പഞ്ചായത്ത് മെമ്പര്‍ വിശദീകരിച്ചു.

ഇതേ റോഡിന്റെ ആദ്യഘട്ട നിര്‍മാണ പ്രവര്‍ത്തി കഴിഞ്ഞ വര്‍ഷം പൂര്‍ത്തിയാക്കിയിരുന്നു. രണ്ടാം ഘട്ടമാണ് 25 ലക്ഷം രൂപയ്ക്ക് കഴിഞ്ഞ മാസം ടെന്‍ഡറായിരിക്കുന്നത്. മുജംകാവ് റോഡില്‍ അഞ്ച് ലക്ഷം രൂപയുടെ നിര്‍മാണ പ്രവര്‍ത്തി നാട്ടുകാരില്‍ ചിലര്‍ തടസപ്പെടുത്തിയതിനാല്‍ ഇനിയും പൂര്‍ത്തിയാക്കാന്‍ കഴിഞ്ഞിട്ടില്ലെന്നും വാര്‍ഡ് മെമ്പര്‍ പറയുന്നു.